Davlat budjeti daromadlari barqarorligini ta’minlashda bilvosita soliqqa tortish tizimini takomillashtirish

Ushbu dissertatsiya O'zbekiston Respublikasida davlat budjeti daromadlarini barqarorligini ta'minlashda bilvosita soliqqa tortish tizimini takomillashtirishga bag'ishlangan. Tadqiqotda bilvosita soliqlar, jumladan, QQS va aksiz solig'ining iqtisodiy mohiyati, funksiyalari va ularning budjet daromadlariga ta'siri ilmiy-nazariy va amaliy jihatdan tahlil qilingan. Xususan, zamonaviy iqtisodiyot sharoitida soliq tizimini takomillashtirish bo'yicha taklif va tavsiyalar ishlab chiqilgan. Tadqiqot natijasida bilvosita soliqlar bo'yicha aniqlik va shaffoflikni oshirish, fiskal intizomni kuchaytirish hamda iqtisodiy o'sishni rag'batlantirishga qaratilgan ilmiy-amaliy asoslar yaratilgan.

Asosiy mavzular

• Bilvosita soliqlarning iqtisodiy mohiyati va nazariy asoslari: Ushbu mavzuda bilvosita soliqlar, jumladan, aksiz solig'i konsepsiyasi, uning iqtisodiy tartibga solishdagi oʻrni, fiskal va qayta taqsimlovchi funksiyalari ilmiy-nazariy jihatdan tahlil qilingan. Soliqlar orqali davlatning iqtisodiy jarayonlarga ta'sir ko'rsatish mexanizmlari xorijiy va milliy iqtisodchilarning ilmiy qarashlari asosida tahlil qilingan.
• Qoʻshilgan qiymat soligʻi, uning avtomatlashtirilgan tizimining hozirgi holati va muammolari: Mazkur mavzuda raqamli soliq ma'murchiligining samaradorligi, uning amaliy tatbiqi va qoʻshilgan qiymat solig'i (QQS) tushumlari dinamikasi to'liq iqtisodiy tahlil etilgan. QQSni boshqarishda raqamlashtirishning roli, uning texnologik infratuzilmasi va axborot tizimlari bilan integratsiyalashuvi nazariy va amaliy nuqtai nazardan chuqur yoritilgan.
• Oʻzbekiston iqtisodiyotini modernizatsiyalash sharoitida aksiz soligʻini hisoblash va undirish mexanizmining holati va rivojlanish tendensiyalari: Ushbu bobda aksiz solig'ining iqtisodiyotni modernizatsiyalash sharoitida fiskal siyosatning samaradorligini oshirishdagi roli, uning ichki ishlab chiqaruvchilarni himoya qilish, iste'mol strukturasiga ta'sir ko'rsatish va ekologik standartlarni rag'batlantirish kabi vazifalari yoritilgan.
• Davlat budjeti daromadlari barqarorligini ta'minlashda bilvosita soliqqa tortish tizimini takomillashtirish yoʻnalishlari: Mazkur bobda bugungi kunda davlat budjeti daromadlarining barqarorligini ta'minlashda bilvosita soliqqa tortish tizimining oʻrni tobora ortib borayotganligi, uning iqtisodiy faoliyatni tartibga solish va iste'molni boshqarishdagi ahamiyati tahlil qilingan hamda kelgusida yanada samarali soliq tizimini shakllantirish boʻyicha takliflar batafsil yoritilgan.