Oqova suv tarmoqlari qurilmalari
Ushbu o'quv qo'llanma O'zbekiston Respublikasi Oliy va o'rta maxsus ta'lim vazirligi tomonidan kasb-hunar kollejlari uchun tayyorlangan bo'lib, unda oqova suvlarni tozalash tizimlari, ularning inshootlari, qurilish materiallari va uskunalariga oid ma'lumotlar keltirilgan. Kitobda oqova suvlarning tarkibi, tozalash usullari, inshootlarning tuzilishi va ularning ishlatilishiga doir masalalar yoritilgan.
Asosiy mavzular
- Oqova suvlarni oqizish tizimlari: Kanalizatsiyaning ta'rifi, oqova suv turlari, kanalizatsiya tizimining tuzilishi va elementlari, aholi yashash joylari va sanoat korxonalari kanalizatsiya tizimlari, kanalizatsiya tizimlarining afzallik va kamchiliklari.
- Kanalizatsiya tarmoqlarini qurishda ishlatiladigan materiallar: Qurilish materiallari (sementlar, qumlar, shag'allar, armatura), turli materiallardan yasalgan quvurlar va ularning fason qismlari, quvurlarni ulash usullari.
- Binolarning ichki kanalizatsiya tarmoqlari uskunalari va jihozlari: Ichki kanalizatsiya tizimlari, sanitexnika jihozlari (oqova suvni qabul qiluvchilar), gidrozatvorlar va kanalizatsiya tarmog'i, kanalizatsiya tarmog'ining tuzilishi.
- Kanalizatsiya tarmoqlaridagi inshootlar: Kanalizatsiya quduqlari va kanallari, ulash kameralari, dukerlar, estakadalar, kanalizatsiya nasos stansiyalarini jihozlash.
- Oqova suvlarni tozalash va zararsizlantirish: Oqova suvlar tarkibi va xususiyatlari, tozalash usullari va texnologik sxemalar, mexanik va biologik tozalash inshootlari, oqova suvlar va cho'kindilarni zararsizlantirish, kontakt hovuzi, oqovalarni havzalarga qo'shish qurilmalari.