Tarbiyaviy ishlar metodikasi fanidan kurs ishi yozish bo’yicha ko’rsatma

Ushbu kitobda O'zbekiston Respublikasi Oliy va o'rta maxsus ta'lim vazirligi tomonidan Buxoro davlat universiteti talabalari uchun tarbiyaviy ishlar metodikasi fanidan kurs ishi yozish bo'yicha ko'rsatmalar berilgan. Ko'rsatmada kurs ishi mavzulari, ularni bajarish bo'yicha metodik tavsiyalar, asosiy va qo'shimcha adabiyotlar ro'yxati keltirilgan. Bundan tashqari, komil insonni tarbiyalash, insonparvarlik, axloq-odob, milliy qadriyatlar, oila va maktab hamkorligi kabi masalalar yoritilgan.

Asosiy mavzular

O'zbekiston Respublikasi Prezidenti I.A.Karimovning “Yuksak ma'naviyat yengilmas kuch” asarining tarbiyaviy ahamiyati: Ma'naviyatni anglash, shakllantirish mezonlari, mazmun-mohiyati, tahdidlar va ularga qarshi kurash omillari, yosh avlodni komil inson qilib tarbiyalashda komil inson, ijtimoiy hamkorlik, millatlararo totuvlik, dinlararo bag'rikenglik tamoyillarining o'rni.
Tarbiya ijtimoiy hodisa va pedagogik jarayon sifatida: Tarbiya jarayonining tasnifi, maqsad va vazifalari, xususiyatlari, ta'lim jarayoni bilan mushtarakligi, O'zbekistonda pedagogik tafakkur va ta'lim-tarbiya taraqiyoti tarixi, milliy ta'lim-tarbiya an'analari, Amir Temur va Alisher Navoiyning pedagogik qarashlari, jadidchilik harakati va ta'lim tarbiya.
Sinf rahbarining shaxs va jamoani o'rganishi, tarbiyaviy ishlar jarayonini rivojlantirish yo'llari: Sinf rahbarining tarbiyaviy ishlarni yo'naltirishga qaratilgan faoliyati, vazifalari, shaxsiy sifatlari, jamoani tashkil etish va tarbiyalashga qo'yilgan talablar, jamoani o'rganish dasturi.
Tarbiyaviy ishlar va boshlang'ich sinf o'qituvchisining o'ziga xos xususiyatlari va sifatlari: Boshlang'ich sinf o'qituvchisining ma'naviy-axloqiy tarbiyasi mohiyati, shakllari, usullari va vositalari, ma'naviy-ma'rifiy tadbirlarning o'rni va roli, tarbiyaviy ishlardan foydalanishning xususiyatlari.
O'quvchi shaxsini rivojlantirish mazmuni: Shaxsni rivojlantirishning nazariy asoslari, xususiyatlari, harakatli o'yinlarning axloqiy imkoniyatlari, tarbiyaning o'rni, jismoniy mashqlar.
Komil insonni tarbiyalashda nafosat tarbiyasi: Nafosat tarbiyasining shakllantirishning nazariy asoslari,o'quvchilarda nafosat tuyg'usini shakllantirish toʻgʻrisida Sharq ma'rifatparvarlarining qarashlari.