Oqsillarning tabiiy manbalari ( sut, qon zardobi) dan ajratib olish

Ushbu kitob bioorganik kimyo fanidan uslubiy tavsiyanoma bo'lib, talabalarni oqsillarning sifat reaksiyalari, fizik-kimyoviy xossalari bilan tanishtirish, ularni biologik materiallardan ajratib olish usullarini o'rgatishga qaratilgan. Shuningdek, tuxum albuminini tuz bilan cho'ktirish orqali ajratib olish va kazeinning izoelektrik nuqtasini aniqlash kabi amaliy mashg'ulotlar ham keltirilgan.

Asosiy mavzular

Oqsillarga sifat reaksiyalari: Oqsillarni aniqlash uchun ishlatiladigan reaksiyalar (biuret, ningidrin, ksantoprotein, Pauli, nitroprussid reaksiyalari) va ularning mohiyati, oqsillarni cho'ktirish reaksiyalari (ammoniy sulfat ta'siri), tuxum oqsilini suyultirilmagan eritmasini, tuxum albuminini suyultirilgan eritmasini, go'sht oqsili, sut oqsili va o'simlik albuminini tayyorlash usullari.
Tuxum albuminini tuz bilan cho'ktirish orqali ajratib olish: Ammoniy sulfat yordamida tuxum oqsilidan albuminni ajratib olish bosqichlari, dializ orqali tozalash va oqsilning izoelektrik nuqtasini aniqlash, sutdan kazein ajratib olish usuli, kazeindagi fosfat kislota qoldig'ini aniqlash.
Oqsillarni kislotali gidrolizi: Oqsillarni soddaroq birikmalarga parchalash usuli, gidroliz jarayonida ishlatiladigan kislotalar, Biuret reaksiyasi yordamida gidrolizning borishini kuzatish.