Ўзбекистон мойли ва толали экинлар тажриба станцияси атрофида тарқалган тупроқлар эволюцияси
Mazkur maqolada O‘zbekiston sug‘oriladigan dehqonchilik hududlarida keng tarqalgan o‘tloqiy allyuvial tuproqlarning shakllanishi, rivojlanishi va evolyutsiyasi haqida so‘z yuritiladi. Tuproqlarning gidromorf tipdagi o‘tloqiy allyuvial tuproqlarga mansubligi, ularning bo‘z tuproqlar va cho‘l tuproqlari mintaqalarida joylashishi hamda bu hududlardagi tuproqlarning bir-biridan farq qilishi yoritilgan. Mualliflar mazkur tuproqlarning paydo bo‘lishida iqlim, ona jins, relyef, gidrogeologik sharoitlar va antropogen omillarning ta'sirini ta'kidlab, ayniqsa, Qorasuv daryosining o‘rta oqimi atrofidagi allyuvial tuproqlarning evolyutsiyasini bosqichma-bosqich tahlil qiladilar. Maqolada shuningdek, tuproqlar tarkibining gidromorf xususiyatlari, jumladan, suv sathining o‘zgarishi, namlikning ta'siri, tuproqning rangi, tuzilishi va unda o‘sadigan o‘simliklar haqida ma'lumot beriladi. So‘nggi yillarda tuproqlarning gumus miqdorining kamayishi, suvga chidamliligi va kimyoviy ifloslanish natijasida unumdorligining pasayib borayotganligi ta’kidlanib, bu muammolarni hal qilish bo‘yicha tavsiyalar berishga chaqiriladi.