Conceptual significance of precedent text
Ushbu to'plamda Samarqand davlat chet tillar institutida 2017-yil 24-noyabrda o'tkazilgan “Zamonaviy tilshunoslik va derivatsion qonuniyatlar” respublika ilmiy-amaliy anjumanida ishtirokchilarining maqolalari jamlangan. Anjumanda Rossiya, Misr Arab Respublikasi va O'zbekistonning 10 dan ortiq oliy ta'lim muassasalaridan 150 dan ortiq soha mutaxassislari, olimlari, o'qituvchilari, doktorantlari, magistrantlari va talabalari ishtirok etdi. To'plamda o'zbek, rus, ingliz, nemis, fransuz, arab, tojik, koreys, yapon tillari va adabiyoti tadqiqiga bag'ishlangan maqolalar o'rin olgan. Anjuman ishtirokchilari zamonaviy tilshunoslik va derivatsion qonuniyatlarning ilmiy-uslubiy muammolari, jumladan, til taraqqiyotining derivatsion qonuniyatlari, sistem va struktur tilshunoslik, kognitiv va pragmatik tilshunoslik, shuningdek, zamonaviy tilshunoslikda matn nazariyasi va ta'lim uslubiyati masalalarini muhokama qildilar. To'plam oliy ta'lim muassasalari o'qituvchilari, doktorantlari, magistrantlari va talabalari, tilshunoslik, matnshunoslik, adabiyotshunoslik va pedagogika sohasi mutaxassislari uchun muhim manba bo'lib xizmat qiladi.