Ethnolocal features and transformation processes of traditions and customs of the uzbeks in Khorezm Region
Ushbu tadqiqot Oʻzbekistonning Xorazm viloyatida XIX-XX asrlarda yashagan oʻzbek xalqining anʼanaviy urf-odatlari va marosimlari, ularning oʻzgarish jarayonlarini chuqur tahlil qilishga bagʻishlangan. Ishda ushbu hududga xos boʻlgan turli marosimlar, jumladan, tugʻilish, toʻy, xatna toʻyi, voyaga yetish, oilaviy hayot, dafn marosimlari va ularning tarixiy rivojlanishi hamda zamonaviy holati atroflicha oʻrganilgan. Tadqiqotda Xorazm oʻzbeklarining milliy qadriyatlari, urf-odatlarining shakllanishi va transformatsiyasi qadimiy va oʻrta asrlardan to hozirgi davrgacha boʻlgan davrni qamrab oladi. Xorazm zaminidagi boy madaniy meros, xalqning oʻziga xos urf-odatlari, marosimlari hamda bu jarayonlarning ijtimoiy-iqtisodiy, siyosiy va madaniy omillar taʼsirida qanday oʻzgarganligi ilmiy jihatdan ochib berilgan. Ishda koʻplab manbalar, jumladan, xorijiy va mahalliy tadqiqotchilarning asarlari, dala materiallari, arxiv hujjatlari va xalq ogʻzaki ijodi namunalari tahlil qilingan.