Tebranishlar nazariyasi fanini o’qitishda venn diagrammasini qo’llash
Ushbu malakaviy bitiruv ishi tebranishlar nazariyasi fani ma'ruza darslarida grafik organayzerlarni qo'llashga bag'ishlangan bo'lib, bitiruv ishi bo'yicha quyidagi xulosalar aytib o'tilgan: Erkinlik darajasi bitta bo'lgan mexanik sistemalar tebranishlari mavzusini o'tishda ko'rgazmali jadval va sxemalardan tahliliy jadval va Venn diagrammasini qo'llash darsning mazmunli va sifatli o'tilishi uchun asos bo'lib xizmat qiladi. Venn diagrammasini nafaqat ikki turdagi voqyea-hodisalarni tahliliy-taqqoslashda, balki bir voqyeaning ayrim tuzuvchilari orasida ham olib borish mumkin, masalan majburiy tebranma harakatlarning har bir tuzuvchilari orasida olib borish mumkinligi bitiruv ishida ko'rsatilgan. Har bir o'tilayotgan ma'ruza darslarni zamonaviy texnologiyalar asosida o'tish uchun Oliy ta'lim muassasalarida faoliyat ko'rsatayotgan professor-o'qituvchi o'qitish shakllarining optimal darajada tashkil etishni, barkamol shaxsni shakllantirish nazariyasini turli yangi g'oyalar bilan boyitishni puxta bilishi lozim. Grafik organayzerlarni o'qituvchi tayyor (to'ldirilgan) holda qo'llab, vosita vazifasida bajarmasdan, talabalarning mashg'ulot mavzusiga doir bilimlarini mustahkamlash va fikrlashini rivojlantirish maqsadida ishlatib, o'qitish metodi sifatida keltirsa, ta'lim samarasini oshirishi mumkin. Oliy ta'lim professor-o'qituvchisi talabalarga bilim emas, bilim olish yo'lini o'rgatishi kerak.